ja_mageia

En Lugo a 26 de Outubro do 2011

Ponse en marcha o Proxecto AUL@TIC dirixido a menores/mozos/as en conflito social e suxeitos a medidas xudiciais de internamento, en virtude da Lei Orgánica 5/2000 do 12 de Xaneiro, de Responsabilidade Penal dos Menores , e centra as súas liñas de actuación na alfabetización informática dos menores internados no Centro de Reeducación Concepción Arenal de A Coruña e no Centro de Reeducación Monteledo en Ourense, achegándolles o uso das TIC, fundamentalmente orientado a súa inserción social e laboral.

É un proxecto enmarcado dentro das axudas da Secretaría Xeral de Modernización e Innovación Tecnolóxica e cofinanciado nun 85% polo Fondo Europeo de Desenvolvemento Rexional (FEDER) no marco do Programa operativo Feder Galicia 2007-2013.

Está destinado ó fomento da Sociedade da Información nos centros de internamento de menores, por medio da “alfabetización” informática e a participación, fomentando o acceso dos mozos e mozas internados ás infraestruturas da comunicación e á sociedade da información, contribuíndo ó seu desenrolo persoal e futura inserción social e laboral.

Proxecto cofinanciado