ja_mageia

A firma dun Convenio marco ca USC (Universidade de Santiago de Compostela), que ten como obxecto o establecemento dun marco de actuación para a colaboración entre a USC e a FUNDACIÓN CAMIÑA SOCIAL en actividades de investigación científica e desenvolvemento tecnolóxico, permitiunos elaborar un protocolo de avaliación xunto ao grupo UDRIPE (Unidade de Investigación en Prevención e Tratamento de Problemas de Conduta), pertencente a esta Universidade.

A avaliación do risco de cometer actos delituosos e violentos debería ser un aspecto importante en todo o proceso de intervención con menores, tanto para determinar o tratamento inicial como para coñecer e avaliar a progresión do mesmo. Neste momento existe un coñecemento baseado na investigación sobre os principais factores de risco e protección que permiten analizar a progresión da conduta antisocial nos menores e a súa reincidencia. O reducir estes factores de risco e incrementar os factores de protección debería ser o obxectivo de calquera proceso de intervención con menores. Neste proxecto, preténdese xerar un protocolo de recollida sistemática de información, que permita identificar aos menores en maior risco e poida ser utilizado periodicamente para valorar a eficacia das intervencións.