Dentro nas nosas intencións está a de poder colaborar con outras institucións nun marco de creación de foros de investigación común, de estudo entorno á figura do menor/mozo/a, conxuntando reflexións e a experiencia propia.
A Unidade de Investigación en Prevención e Tratamento de Problemas de Conduta (UDIPRE) está formada por un equipo de profesores e investigadores da Facultade de Psicoloxía da Universidade de Santiago de Compostela especializados na prevención de condutas problemáticas durante a infancia e a adolescencia.
O seu propósito é poñer a disposición da sociedade o coñecemento científico existente sobre os problemas de comportamento en nenos e adolescentes e a súa prevención. Os comportamentos agresivos, a violencia no contexto escolar, o consumo de drogas e a delincuencia, son problemas que afectan a nenos e adolescentes, dificultan a convivencia familiar, escolar e social, e xeran unha fonda preocupación na sociedade actual.
O obxectivo do seu traballo é ofrecer á comunidade unha serie de servizos (formación, asesoramento, intervención, avaliación de necesidades, deseño e avaliación de programas) para que pais, profesores e distintos profesionais preocupados pola saúde e o benestar social dos nenos e os adolescentes poidan responder de forma eficaz ás demandas e dificultades que se lles presenten.
Neste sentido, a firma deste convenio facilitounos a realización dun
protocolo de recollida sistemática de información, que permita identificar aos menores en maior risco e poida ser utilizado periódicamente para valorar a eficacia das intervencións.
E, así mesmo, permitiunos deseñar e implementar un programa de padriñazgo con menores do C.I.E.M.A (Centro de Intervención Educativa en Medio Aberto)
