O pasado 20 de outubro do 2022, os profesionais do CIEMA Coruña, dependente da Consellería de Política Social da Xunta de Galicia e xestionado pola Fundación Camiña Social, participaron na XI Xornadas da Rede Galega Contra a Trata Sexual “PROSTITUCIÓN, PORNOGRAFÍA, EXPLOTACIÓN SEXUAL, TRATA. A REALIDADE DA SÚA RELACIÓN”, coas ponencias de Mónica Alario, Lluís Ballester e Adriana Cardozo.

A Fundación Camiña Social participou o 13 de xullo no seminario de difusión e sensibilización sobre a atención a menores vítimas de violencia nos diferentes territorios, no marco do Proxecto “INTIT” Terapia integrada baseada no trauma para menores vítimas de violencia”.

Profesionais do Centro de Intervención Educativa en Medio Aberto (CIEMA) participaron nunha xornada sobre violencia de xénero levada a cabo no Forum de Carballo.

Marina Marroquí, supervivente da violencia machista, experta en violencia de xénero, abordou a formación para profesionais dende a perspectiva da vítima. Máis tarde tomaron o relevo Rubén Villar Trenco e Nerea Fernández Gómez, coordinadores das Quendas de atención psicolóxica e social as vítimas de violencia de xénero de Galicia. Tamén participou o colexio oficial de Traballadores Sociais de Galicia. O último relatorio da mañá correu a cargo de Beatriz Núñez, avogada, quen deu a coñecer as novidades sobre a asistencia letrada as vítimas de violencia de xénero.

No CENTRO DE INTERVENCIÓN EDUCATIVA EN MEDIO ABERTO (C.I.E.M.A) e no CENTRO DE REEDUCACIÓN DE CONCEPCIÓN ARENAL dependente da Consellería de Política Social da Xunta de Galicia e xestionado pola Fundación Camiña Social, tivemos o pracer de recibir a visita da Xefa do Servizo de Xustiza Penal Xuvenil, Ana Vázquez Caamaño e o Xefe de Sección de Coordinación de Xustiza Penal Xuvenil, Xosé Castiñeiras López para ver o funcionamento das medidas de medio aberto e de internamento da provincia da Coruña.