A nosa Visión

Visión e compromiso social

Traballando por unha sociedade máis xusta e participativa

A Fundación Camiña Social aposta polo desenvolvemento dunha sociedade inclusiva, accesible e solidaria, onde cada persoa poida exercer plenamente os seus dereitos e deberes. O seu compromiso tradúcese en proxectos baseados na calidade, a responsabilidade e a igualdade de oportunidades.

Desde 2008, a entidade conta cun sistema de xestión da calidade certificado segundo a norma UNE-EN ISO 9001, que garante a transparencia e a mellora continua dos servizos que presta.

A nosa misión

Axudar a nenos e mozos en risco de conflito social, e outros grupos relacionados, a construír o seu proceso vital a través dun camiño proactivo guiado polo coñecemento dos seus dereitos e deberes, como complemento a unha educación integral que os axude a converterse en cidadáns máis competentes socialmente.